مدونة شاب: مايو 2007

الأحد، 27 مايو 2007

اللى بيته من إزاز ميغيرش هدومه فى الصالون .اقلب القدره على فومها الفول يقع منها . تأتى الرياح محمله بالأتربة .ياخبرالنهارده بفلوس بكره ينزل عليه أوكازيون ¦اللى معاه قرش محيره يجيب حمام ويحمره .جت الحزينه تفرح شغلت شريط وقعدت ترقص .قال يامحشحشين يكفيكوا شر الكمين .اللى ياكل لوحده يشبع .لاتبكى على اللبن فى البسكوت .اقطع عرق و حته بتلو اطبخى ياجاريه الأنبوبه فاضيه يا سيدى .لو حبيبك عسل ما تحطلوش طحينة .اللى يتلسع من الشوربه يتصل بالمطافى .وبكره ترجع ريما من عند خلتها فى مارينا ¦ياداخل بين البصله وقشرتها حط قطرة علشان هادمع من ريحتها ¦ اصوم اصوم وافطر على المدفع ¦ القرش الأبيض بيعوم فى البحر الأحمر ¦ضربوا الأعور على عينه قالهم كسرتوا النضاره اللى ميشفش من الغربال يكشف نظر ¦
المال السايب يعلم الطلبه ¦نام وارتاح وكل عسل نحل التمساح ¦
من خرج من داره مينساش يأخد المفتاح معاه ¦
الباب اللى يجيجلك منه الريح شيله وركب قبنورى ¦ المضطر يركب التاكسى ¦ رب صدفة خير من ألف ليلة و ليلة ¦ اللى يخاف من العفريت يعمل عبيط ¦حجه البليد بصرف فلوسى على الوييد ¦ المركب اللى فيها رايسين يلعبوا طاولة ¦ اللى خدتوا الأرعه تخدو ام الخلول ¦what اللى ميعرفش يقول ¦ أكل العيش يحب الطعميه ¦ lenses العين عليها ¦قالوا للحرامى أحلف قالهم وحياة قلبى وأفراحوا ¦ أمثــــــال عربيــــات النقــــل متبصليش بعين رضيه دنا طلع عين أمى فى السعوديه ¦ربنا يحميكى من الميكانيكى ¦ الحلوة أسمها تفاحة للسفر والسياحة ¦ الحلوة من حلوان وصاحبها راجل غلبان ¦ الحلوة من دمياط وعليها أقساط ¦قصه كفاح مش جايه على المرتاح ¦ متزمروش يابهايم دا السواق نايم ¦اجرى جري الوحوش اوتوبيس 710 ماتلحقوشارجو ان تنال اعجابكو والسلام عليكم ورحمة الله وبركاته

الأحد، 20 مايو 2007

....أقوى نكته سياسيه بالعالم .... يقال أن جورج بوش دعى توني بلير على الغداء ..وبعدالغداء......خرجا للصحفيين للإدلاء بتصريح صحفي ...!! سئلهم أحدالصحفين ..ماهي القرارات التي اتخذتموها أثناء اجتماعكم .. ؟؟قال الرئيس بوش : قررنا أن نقتل 20 مليون مسلم و دكتور أسنان واحد..؟؟؟!! توقف هنا أخي القارىء ............ ماهو السؤال الذي يدور بذهنك فيهذه اللحظه ..؟؟؟؟نعود للنكته ......... الصحفيين إندهشواطبعا ونظروا إلى بعضهم البعض والكل متلهف لمعرفة ...... لم طبيب أسنان واحدفقط ....؟؟؟؟؟؟؟فقال أحد الصحفيين للرئيس بوش : ولماذا طبيب أسنان واحد؟؟تبسم بوش....ثم مال على توني بلير........وهمس في أذنه...ألم أقل لك إن أحداً لن يهتم بالـ 20 مليون مسلم ؟؟؟؟؟؟انتهت النكته ...........هل ضحكتم ..؟؟؟؟!!! أشعر بالخجل من نفسي في هذه اللحظه .......لأني عند قراءتي للنكته ...سألت نفسي. لم طبيب أسنان واحد ......؟؟؟بصدق وبصراحه ........مالذي فكرتم به عند قرائتكم للتصريح ... بالذات حين قال بوش : سوف نقتل 20 مليون مسلم وطبيب أسنان واحد ..؟؟ألم يدر بفكركم هذا السؤال ..ولما طبيب أسنان واحد ...؟!!! انشغلنابالطبيب الواحد ونسينا الـ 20 مليون مسلم ...!!! وهذا هو حال الكثير منا.!! وهذه هي سياستهم اللعينة.....!! توجيه أنظارنا بعيدا .. وشغلنا بتوافه الأمور ....!! وكانت هذه سياستهم حين احتلوا العراق........وهاهم اليوم ينتهجونها ..ليتمكنوامن توجيه ضربتهم لإيران ......وبالطبع .......كل هذاشغلنا كعرب وكمسلمين عن مايحدث في فلسطين..!! وعن مايحدث ...في أفغانستان ........!!! كل ما أشعر به في هذه اللحظه هو الألم .......لما وصل اليه حالنا

أشكر

لكم مروركماعذروني إن لم تعجبكم النكته .....!!! دمتم بخير وعافيه

إذا الأحلام الوردية تحولت إلى كوابيس مفزعة

إذا الابتسامات الندية انقلبت إلى دموع شقيه

وإذا أصوات الضحكات باتت آهات تنزع الروح

وإذا الحزن استحوذ على خيوط الأمل

ما الحل ... ما الذي يهدي ثورة المشاعر ؟؟

..إذا العالم بأجمعه تحالف بقوة ضد سعادتك

إذا حجارة الأرض تكاتفت معاً لتشكل عثرات

كثيرة وعقبات تعيق طريق تحقيق أحلامك

إذا أمطار الخير والبهجة هاجت وكونت

فيضاناً يهدم أعشاشك الرقيقة التي بنيتها

ما الذي يعوضك ما فاتك من الأفراح ؟؟.

.إذا الأحزان اجتاحت سكون حياتك

وإذا الهموم والأتراح انتهكت حرمة بهجتك

وإذا عواصف العبرات زلزلت أيامك

ولم تجد من يمسح دموعك المتناثرة هباءا

ً بحثت عن صدر حنون يلمك ويضمك

ولكنك لم تجد ذاك الصدر الحاني

الذي يتألم لسماع قلبك الباكي

ويحنو على دمعك الشاكي

بل صار إنسان قاسي

وأصبح عنك لاهي

وعن حالك ساهي

ولك ناسي

ماذا نفعل آنذاك ؟؟لمن نلجأ ؟؟

..إذا خذلنا الصدر الذي كنا نرتمي في أحضانه

إذا خاننا من ائتمناه على أغلى ما نملك

وإذا غدر بنا أقرب وأعز أنسان بالوجود حينها .. كيف نوقف دقات قلبنا الثائر ؟؟كيف نسكت صرخات الآهات المتمردة ؟؟..إذا أحسسنا بالوحدة في جلسات الأحباب إذا غزانا شعور الغربة وقتل وجداننا الصامت إذا طغى طوفان الوهم على حديقة الأحلام واقتلع جذور الأمل من أرض الأماني فما الذي قد يعيد لنا الأمل المفقود ؟؟من يرجع لنا إحساس الأمان ؟؟..إذا غاص الإنسان في محيط الحزن إذا توغل القهر في عروق أجسادنا المرهقة إذا أمسى الظلم سيد الموقف ما الذي ينجينا مما نحن فيه ؟؟ما الذي يخرجنا من ظلام محيط الحزن ؟؟..إذا أضحت العبرات هي هويتك إذا عشقتك الدموع وانهالت على خدودكإذا صادقتك الآهات واحتوتك في صداها وإذا خنقتك الصرخات وإذا أحكمت الأحزان قبضتها حول رقبتك بعد هذا كله .. ما الذي يحييك ويرجعك للحياة ؟؟ما الذي يبث فيك الروح من جديد ؟؟..بالأصل .. إذا الروح مات إحساسها بالحياة حينها .. ما الذي يعيدها للحياة ؟؟ما علاجها تلك الروح المقتولة ؟؟أجيبوني .. ما الحل ؟ .. ما العلاج ؟؟إذا انعدمت معاني السعادة إذا اختفت البسمة من الشفاه إذا أبيدت الفرحة من الوجود من يعيد تلك المفقودات لمكانها ؟؟..من يعيد البسمة للشفاه ؟من يسترد للعيون رونقها ؟؟من يرجع للوجدان بهجته ؟؟من يستعيد للوجود معناه ؟؟..من يحيي الروح الميتة ؟؟من يعيد للروح إحساسها بالحياة إذا الروح مات إحساسها بالحياة ؟؟؟؟؟...السؤال الأهمإذا تمردت المشاعر على صاحبها وخرجت عن طوع إمرته وفضحت أسرار قلبه الحزين المجروح وأفشت خفايا روحه التي تحتضر وكشفت الستار عن غوامض القصة وأسقطت درع البسمة الذي يحمي صاحبه من عيون الناس حتى لا تعلم بذاته المقهورة حينها ما السبيل للهروب من نظرات الناس ؟؟ما الوسيلة للاختفاء عن همساتهم ؟؟ما الحل ؟؟. ..إذا الروح ذاتها ماتت فلا حل لإرجاعها ولكن إذا مات إحساس الروح بالحياة ما الحل لإحيائها ؟؟؟

السبت، 19 مايو 2007

تخيل نفسك رئيس جمهورية

تخيّل إنك رئيس الدولة تعالى نتخيّل يا عم انت حتدفع حاجة من جيبك ؟ الحلم ده على حسابي غمض عينيك شوية واحلم انك بقيت رئيس البلادمتقولش ازاي؟.. مش مهم زورت الانتخابات.. او قلت للناس انتخبوني احسن ارمي نفسي من فوق البرج فصعبت عليهم قاموا انتخبوك.. او يكون لك واحد صاحبك امريكاوي بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمي الجديد لنج.. ومش من اللي بيصلوا الفجر جماعة.. فوافق بوش انك تقعد على... الكرسي المهم انك بقيت دلوقتي رئيس البلاد*********مين قدك يا عم؟حتاكل طعمية مقلية بزيت فرنساوي وربنا ح يتوب عليك من طعمية ابو هويدا المقليّة بزيت العربيات وحتتعالج من انيميا الفول.. الفول الجديد بقه يا عم من غير سوس وابقي قابلني لو لقيت اي مسمار في العيش.. حتاكل عيش من ابو الرغيف بربع جنيه.. سخن وطازة وطري.. تخيل.. طري مش زي العيش اللي انت كنت بتاكله وانت بتشرب كوباية ميه ورا كل لقمة علشان تنزل لا لا.. العيش ابو شلن ده اللي انت كنت بتجيبه من الفرن وعقبال متوصل بيه البيت يسلجم ويقفع ويعرقص.. وتعاقب عليه دولياً لأنه اصبح من اسلحة الدمار الشامل.. لا انسى الكلام ده الاوضاع حتتغير خالص ياعم.. دا انت ربنا حيكرمك خالص والله العظيم طب بص دي.. حتاكل لحمة.. متبرّقش أوي كده.. مش عارف يعني ايه لحمة؟( همّ حيقولولك )وبعدين انت مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كده من السودان واثيوبياآه فاكر ؟أهي هي دي اللحمةلا لا مش اللي انت كنت بتاكلها في العيد ، بتاعت العيد دي اسمها كرشة.. متفضحناش بقه الله يسترك*********وحيبقى فيه كنكاكي.. متسألش.. دي فراخ.. يعني حتودع عم لطفي الفرارجي اللي كان بيعين لك رجلين الفراخ وانت كنت بتقول له عشان الكلب.. وكان ساعات يفوّتلك حتتين قنصة على حتتين كبدة من بتوع الزباين اللي بيستحموا بصابون اجنبي وحتشرب السيجارة كلها مرة واحدة.. يعني مفيش تخميس وبعدين دي سجاير ستراكي سترايك من بتاعت الست ماري منيب.. جو تاني بس لما يخدوك علشان تحلف اليمين ياعم دا غير يمين الطلاق اللي انت مصدره في كل حدوتة تحكيها اصحي معايا الله ينجيك لما تروح تحلف اليمين اوعى تروح بالبدلة بتاعت جوازك.. انت عارف.. دي بقت مكيفة الهواء من كل ناحية.. العربي جوز ام بطة عنده بدلة اخوه باعتها له من بلاد بره ابقى استلفها منه وإقضي مصلحتك وبعدين رجعهاله.. ماهي الجيران لبعضها امال ايه وحياتك كمان يا شيخ متروح بالجزمة بتاعتك.. عشان خاطري ابقى اشتريلك جوز جزمة من بيع المصنوعات دي رخيصة هناك.. لأن الحدوة اللي انت مركّبها في كعب الجزمة بتعمل صوت قلق برضه.. وبعدين ممكن الجهاز يصفر عليك تبقى حكاية.. فاهم ؟اول يوم بس وبعدين همّا بعد كده حيتصرّفولك في جوزين جزم مستوردين عشان تقابل بيهم اصحابك بتوع الدول التانية*********وحتنام على سرير عليه مراتب.. المراتب دي بقه جواها قطن ايوة قطن.. والله العظيم قطن.. ايوه تمام زي القطن اللي انت جبته من الاجزخانة للوله حودة ابنك لما الواد شحته ابن ام بيسة لزقه بالطوبة في نافوخه فتحهاله وجريت بيه على المستشفى قالولك هات لنا قطن وشاش وميكروكروم وصبغة يود وبلاستر وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجاني ايوه هو ده القطن.. فهمت ؟حتحلم احلام نضيفة على السرير دا يا عم الحاج افرد طولك.. متخافش رجليك مش حتطلع برة الاوضة.. انت مش في بيتكم دلوقتي.. افرد افردغمّض عينيك كده غمّض*********ايه؟.. انت نمت ؟اصحى يا عم.. اصحى.. الباب بيخبط الحق.. موظفين الكهربا على الباب الحق دول جايين يشيلوا العداد علشان بقالك 3 شهور مدفعتش الفاتورة