كل أصحابى اللى بحبهم
والعب معاهم واروح لهم
فجأة لقيتهم كلهم
قلوبهم حزينة وبان على وشهم
قالوا الحكومة سبب همهم
لاقيت جوايا غضب كبير
والأسئلة جوايا كتير وكتير
عايزة اللى يجاوبها ويفهمنى ويرتبها
فالاحداث كلها غريبة
والمواقف من حولى غريبة
لانى طفلة بريئة
وايد الظلم قوية وجريئة
فى الاول يدعو يا عمو علاء
قلت دول غلطوا
والظالم أكيد صحى وفاق
لكن لاقيت كل حبايبى
يتاخدوا كلهم من حواليا
كل يوم أصحى مفزوعة
على الخوف والثقة منزوعة
من حكومة المفروض تحمينا
لكن عرفت ازاى تاذيانا
فى الوقت اللى ربنا جانبنا
ينزل للسماء ويتوب علينا
يكسروا علينا الابواب
ويرهبونا ويقولوا ضد الإرهاب
ليه بتكتموا فينا الانفاس
ليه بتخنقوا فينا الاحساس
ليه بدل ما تقدموا لينا اللبن نرضعه
بتقدموا لينا الخوف نتجرعه
ليه بدل ما تقومونا وتشجعونا
بتاخرونا وتحزنونا
ومن اغلى الناس تحرمونا
اشهد يا رب عليهم
وعلى كل اللى خدوهم
دا منهم عمو خالد شلبى
الى بيعمل الخيرو يحبنى
اللى هو جوا جوا فى قلبى
والمعروف برقة الاحساس
وضحكته كلها براءة وإخلاص
ويشهد عليه كل الناس
وعمو وليد وعمو محمد وعمو سامح
قلوبهم كلها حب وتسامح
وعمو ابراهيم وعمو شفيق
مثال للامانة والاخلاص للصديق
وكل اللى لعبوا معايا وبحبهم
صحيت لقيتنى افتقدتهم
قولوا لى يا ناس
مين الظالم فى الأساس
اللى بيقتولوا ويخربوا بلا إحساس
والا اللى بيقبضو اعلينا
ويشاركونا الانفاس