زمارة الخطر..

فاكر
زمارة الخطر
و طفى النور
و أكياس الرمل
و قدام كل بيت ساتر ؟
فاكر ؟
أيام السهر
و الامتحانات
و كوباية شاى من إيد أمك
و إنت بتذاكر ؟
كنت بتفرح لما تنجح
أو حد يقول عليك شاطر...
فاكر الأمان
ننام و فاتحين البيبان ؟
دلوقتى فى كل شارع لجنة
و ف كل بيت عساكر
و عشش عشوائيات
زى سوبر لوكس فاخر
ما بنشوفش حاجة
و برضه بنقطع تذاكر
معقول علشان تعيش
لازم تطاطى و تقضيها
طيب و حاضر؟
مين إللى قال
البحر غادر ؟
مين إللى قال
إنك خلاص تعبان
و مش قادر ؟
و مين العبقرى
إللى سمّاك
شحات و عريان و صابر؟
اهو إحنا
توهنا من بعض ؟
هو إحنا ليه ماشيين
و باصّين فى الأرض؟
هو إحنا لسّه بنحلم
و بنحاول
و بنعافر ؟
سؤال لا كان
ع البال ولا ع الخاطر ..
أسأل عليك يقولوا نايم!
و تسأل عليّا يقولولك سافر!!
واخد بالك ؟
دلوقتى فى كل ثانية
بنسمع الزمّارة
و بدال الغارة ألف غارة
لكن لا بيصحى شارع و لا حارة...
و كل واحد فينا محتاج مليون أمارة
علشان يحس بالخطر !!!؟؟؟؟
يا سات