السلام عليكم ورحمة الله وبركاته

أنا طول عمري مش بحب العناوين المفرقعة اللي تشد الناس وخلاص

بس والله الغاية تبرر الوسيلة

وخصوصاً إذا كانت الغاية نبيلة والوسيلة أكثر نبلاً...

بتبقا قاعد ف التاكسي أو في أي مكان فيه راديو

وطبعاً بنشغل محطة الشعب 100.6

وبعدين بنسمع الأغنية والتانية والتالتة عادي جداً

بس مبتلاحظوش ساعات ف وسط الأغنية بتطلع كلمة((بكرا دوت نت))؟؟؟؟؟؟

أو ((بانيت))دوت كوم

كتير أوي بتحصل

للأسف يا جماعة المواقع دي إسرائيلية !!!!!!!!!

انا عارف ان في ناس كتير أوي عارفة الكلام ده

وللأسف مستهونة انهم بيسمعو اغنية عربية جاية من موقع إسرائيلي

سيبكم من الاغنية تتحرق

بس تخيلو يا جماعة الغزو بتاعهم وصل لإيه

انا لما ذكرت موقعين من المواقع الكتييييييييرة أوي دي - واللي غالبيتها مبيقدرش يخفي هويته وبيكون آخر الموقع .il زي ما الموقع المصري آخره .eg والموقع الأمريكي آخره .us - لما ذكرت منهم موقعين مكانش عشان الدعاية لهم....

انما علشان ناخد حذرنا منهم

واحد هيقولي طب احنا بنسمع الأغنية ايه ذنبنا انها من موقع اسرائيلي؟

وهنعمل ايه؟

هقوله مش ف إيدك حاجة بس تبقا عارف ان الموقع ده إسرائيلي

لإن ذكر اسم الموقع في وسط الأغنية بيعتبر إعلان للموقع

وطبعاً الموقع ده - للي يعرفه أو دخله - مليااااان بكل حاجة عن العرب

وأكيد أكيد مليان بصور حصرية علشان الناس تدخل على الموقع ويبقا عليه طلب

والصور دي تتاخد وتتنقل من منتدى لمنتدى

ومن موقع لموقع

وكل الصور دي صور مهمة للعرب

بكافة طوائفهم

وده عامل جذب مهم علشان الصور تتنشر زي ما الأغاني والكليبات تتنشر

مكدبتش لما قلت اسرائيل على جهازك

علشان لو فتشت ف أجهزة كتير مننا هتلاقيه عنده صور إن مكانتش أغاني أو فيديوهات مكتوب عليها اسم الموقع اللي آخره .il زي ما قلت

وأكيد .il دي حاجة مش سهلة بالنسبة لأي واحد غيور على عروبته

علشان ببساطة مستحيل إسرائيلي يكون فرحان أوي انه داخل موقع آخره .eg (مصر) أو .sa (السعودية)

لزم التوضيح والتنبيه

قاطعو تلك المواقع بصورها وأغانيها وكليباتها وغيره وغيره

على فكرة الموقع فيه كل حاجة بحيث انها تشد وتجذب أي عربي

فيه أفلام عربي وأفلام أجنبي وكارتون وصور ممثلين وممثلات وعارضين وعارضات ووصفات طبخ وغيره

وكل ده مكتوب عليه اسم الموقع وآخره .il

علشان لما الصورة ولا الفيلم ولا الوصفة تتنقل لموقع عربي

الإسرائيليين يفرحو ويقولو آدي نتاج مواقعنا الوطنية

تغلغلت في وسط العرب وهم لا يدرون

ويتراقصون على أنغام أغانينا الحصرية على مواقعنا الوطنية

و و و و.....إلخ

وزي ما قلتلكم أي موقع مهما كان مهم بالنسبالكو

ولقيتم فيه رمز اسرائيل الإلكتروني على الإنترنت .il يبقا متعتبوش تاني

وشكررررررررراً