بسم الله الرحمن الرحيم
أخواتى وإخوانى الأفاضل
كُل عام وحضراتكُم الخير لكُل عام
خلاص كُلها أيام معدوده ونستقبل شهر الرحمه والخير والعطاء
ورمد الذنوب شهر هديه من المولى لأمتُه الفقيره الضعيفه
التى دُنست بالمعاصى وشغلتها الدُنيا بالعدو فى مضمارها
بحثا عن السعاده والمال فلبسنا ثوباً يكتظ بأريجاً صارخاً
للذنوب فأرسل لنا المولى شهراً ماحياً للذنوب وهالكها
فكُن أسوء الآحسن ولا تكن أحسن الآسوء
يعنى ايه
أقولُكم الوقتى لانى مُثقفه "ليه الاحراج ده"وبأُشاهد التلفاز فإستوقفتنى عباره اسمعها على قناة الحياه مُنذُ شهور
مضت وهى تُعلن بكُل فرحه عن مسلسلات وبرامج رمضان فتقول{ رمضان هايقربنا...}
بس الى الأن مُش لاقيه ليها غير تفسير واحد هاتقربنا للنار ذياده لمعادله بسيطه
شهر رمضان = شهر عباده = طاعه اكثر = الفوز بالجنه والعتق من النار
او
التلفزيون = مسلسلات وبرامج = لاطاعه ولا عباده بتلذُّ وحُب ورجاء = الخلود بالناروعدم العتق منها
وعليك سَبقْ الإختيار
وبعدين تعالوا نتناقش بالعقل كده هذه المُسلسلات لا تُحاكينا نهائى تُحاكى طبقه مُعينه من الناس ولازم لازم نهايتها
تكون اصابة الخير وتوته توته فرغت الحدوده
الشاطر حسن اتجوز اميرة البحار ...صح هى دى النهايه
أو انتقام الله من الظالم يعنى حلم وٌحنا نملُك أن ننسُج احلاما كثيره بالله عليكُم قولولى ايه اللى بيعود عليكم بعد الفرجه ايه الاستفاده العقليه ابداً هانقلب القناه لمُشاهدة غيره وغيره وكسب بحور من السيئات
ولو حد بيستفيد شىء يقولى ابدأ أستفيد مثله بلاش أنانيه
وبساط يوم رمضان قاعد بيتسحب ساعه وراء ساعه
بتعمل ايه يا فندم
مُنتظر الفطار ثم الفوازير ثم البرامج ثم السحور ثُم هنام وغداً سأبدأ بالعباده وهلُم جَراٍْْ
بدأ التسويف ومرت الساعات فجرت الايام فسحبت الاسابيع فتم الشهر وودعنا من اقتنصه فاز ومن تركه احتاس
طيب اكون اسوء الاحسن ازاى طبعا احسن العباد برمضان يعبدون على اتم وجه افتح اى باب عباده تجدهم متصدرين العباده طيب انا العفو والعافيه نفسى اكون اسوء احسنهم بدام انه ليس بمقدورى ان اكون مثلُهم
والحل ابدأ بالتقليل كيف؟
باشاهد8 مسلسلات خليهم 4 وأبدل وقتهم بعباده كل ما بيومى يعطلنى اصغر حجمه علشان اعبد اكثر
لا اصلى التراويح بتاتا اصلى يوم ويوم واحاول العشر ايام الاواخر اصليهُم كل يوم لا اقرأ قرأن اقرا على الاقل نصف جزء يوميا
اسبح وانا باعمل اى شىء باطبخ باعمل طالع السلم اقرا اية الكرسى باى وقت نايم قايم منتظر الاذان
اعطى لكل عمل نيه كبير
رُبما عمل قليل كبرته النيه وربما عمل كبير صغرته النيه
هاطبخ بنية افطار صائم
هاتصدق فى العلن وليس بالخفاء بنية التقليد من الجميع لى واقامة حق لله
هاقعد اشوف برنامج دينى بنيه نشر الدين واقامته بما سأتعلمه وأعلمه
وبإذن المولى ان قدر لى ربى البقاء واللقاء سنتكلم عن هانعمل ايه برمضان بس لو اردتم قولولى برد الموضوع لنتكلم
وكل عام ونحنُ أسوء الاحسن وليس أحسن الأسوء
فريق وعجلتُ اليك ربى لترضى
ليست هناك تعليقات:
إرسال تعليق
ممكن تقدروا تشاركوا معانا و تقولوا لنا رأيكو فى موضوعاتنا