امتحانات الثانوية العامة ....مقدما

بسم الله الرحمن الرحيم

امتحان الفلسفة والمنطق وعلم النفس والاجتماع لكشة واحدة!!

أجب عن الأسئلة التالية :
* وضح أثر مشاهدة الأفلام المصرية علي علي سلوك الاطفال الرضع
مدللا بذكر حالتين مصابتين بالبله المنغولي !!

* اذكر 320 سبب من أسباب انتحار بعض الأفراد في المجتمع المصري
مستثنيا من إجابتك الأساب المعروفة
مثل الغلاء وارتفاع أسعار البنزين والقنوات التي تتحدي الملل !!

* وضح أسباب استيطان مبدأ الشك في نفوس الشعب المصري تجاه الحكومة؟

* ما تأثير الخبرة الانفعالية اللحظية المؤقتة للمواطن
في الأداء التكيفي والمعرفي للحكومة
مدللا علي إجابتك بأي حاجة فيها مصطلحات !!

* أكد داروين أن الإنسان أصله قرد .
بغض النظر عن أن هذا السؤال في مادة الأحياء وجه هنا غلط....
اربط بين نظرية داروين وبين أغنية " بحبك يا حمار "
* ينقسم الشك إلي نوعين : شك في الحكومة وشك في مراتك
وضح أهمية الشك الاول وتفاهة الثاني

* عنما سئل أحدي الطلاب : ما هو المقصود بالدافع ؟
أجاب : عندما يطلب مني سواق الميكروباص ربع جنية زيادة عشان البنزين غلي فأقول له صارخا :
والله مانا دافع
حلل إجابة الطالب منطقيا ومدي توافقها مع جملة
" نحكم عقلنا ندفع ربع جنيه كلنا "

ضع علامة ( صح ) أمام الإجابة الصحيحة
مع العلم أنه قد تكون هناك أكثر من إجابة صحيحة

* ما الفلسفة التي يتعامل بها الشعب المصري مع الحكومة ؟
(1) يا نحلة لا تقرصيني ولا عايز منك عسل
(2) أطبخي يا جارية يا سيدي كلف
(3)ما تقولش ايه ادتنا مصر ....قول هننهب إيه من مصر
(4) اللي يتكسف من بنت عمه ميجيبش منها عيال


*سؤال الفرفشة

كان ابن رشد من أشهر المدافعين عن الفلسفة في تاريخ الإسلام
بغض النظر عن الفلسفة في السؤال ....
أكتب أغنية محمد منير " علي صوتك " التي كانت في فيلم المصير !!
****


إمتحان الجغرافيا

اختر الإجابة الصحيحة

* عثر علي أخر إنسان مصري مات مستورا في عصر
(1) قبل إختراع الزيت
(2) أيام جوهر الصقلي
(3) قبل إختراع الحديد

*يزرع القمح في مصر في ....
(1) ال 3 قراريط بتوع عمك سويلم
(2) علي حدود أرض البانجو بتاعة عمك حمدان
(3) ما بنزرعوش عشان بنستورده يا باشا

*تتعرض مصر يوميا لرياح خنيقة شمالية وشرقية وغربية وجنوبية تأتي من ...
(1) تصريحات الوزراء
(2) الصحف الحكومية
(3) البيت بيتك

* من أهم المشروعات القومية في مصر في السنوات الأخيرة ....
(1)مشروع مدرستي فقيرة حزينة متبهدلة
(2) مشروع نفكر كلنا ..نتسجن كلنا ..نشحت كلنا
(3)مشروع فصل الإنتاج عن البني أدمين

** في ضوء معرفتك بأن راقصة شهيرة قد أدت إحدي رقصاتها المحترمة لمجموعة من زملائك
ولاد المحظوظة بتوع مدرسة خاصة
ارسم خريطة كاملة للحدث ..
مع الاهتمام بالتضاريس ... تضريس تضريس
وعلي مهلك ويمكن استخدام الألوان


*اكتب النتائج المترتبة علي " بدون قلة ادب "
(1) زيادة عدد السائحين في مصر كل عام والناس مش لاقية تاكل
(2) المعدلات القياسية للعبور في قناة السويس من العملة الصعبة ....صعبة ع الحكومة وع الناس
(3) أموال الضارئب بتاعة صاحبنا " المتفوتر "اللي اتفرضت حتي علي الحلاقين

ملحوظة : ممنوع أن تكون إجابتك " ولا حاجة" ....ولاحظ أيضا أن سب الدين حرام

سؤال المتفوقين

درسنا في السنوات السابقة في كل مراحلنا التعليمية أن اموال الضرائب تذهب لتأسيس
البينة التحتية من الكباري والطرق والمستشفيات
حد ع الخريطة _ وادي دقني لو قدرت _ أي مستشقي أو كوبر سليم أساسا
وشاورلي علي أي طريق مفيهوش 50 مطب !!

أشرف توفيق