حاجات غريبة.....فى مصر حبيبتى

فى مصر حبيبتي حاجات غريبه بتحصل :
• في مصر فقط الأموات ينفقون علي الإحياء) الفراعنة)
• في مصر الشخص المتفوق يحصل في الثانوية العامة علي 50% ويتنطط بيهم عليك (دخل كلية الشرطة )
• في مصر يعبر الناس الطريق وهم ينظرون لأعلي (بيبصوا علي رقم الأتوبيس)
• في مصر الرجال فقط هم من يقفون أمام محلات الملابس الداخلية للحريم.
• في مصر فقط تجد أعمدة الإنارة مطفأة ليلاً ومضاءة نهاراً.

في مصر تاخذ الحكمة من على عربات النقل و الميكروباص مثل :
• إن باض الديك ها أدعي لك
• يا سلام لو الناس تبطل كلام
• للبيع - عشان ترتاحوا.!
• متبصليش بأيامه أنا بجري علي يتامى .

في الأفلام المصرية فقط تجد :
• الدنيا بتمطر في عز الصيف وخصوصا في مشاهد التغرير بالبطلة وهي لابسة صيفي والدنيا بتمطر أزاي ؟!
• لقاء في إشارة المرور كافي بتغيير الأحداث
• ممثلة فوق الستين تقوم بادوار الإغراء
• ينتصر الحب وتتزوج البطلة بنت العائلة الكريمة من البطل ( الصعلوك البيئة(

في مصر تلاقي حاجات غريبة بتحصل في ماتشات الكورة :
• أول لما الكاميرا تيجي علي المتفرجين تصيبهم حالة هياج .
• أول لما يختفي صوت المعلق تعرف أن الجمهور أبتدي شتيمة
• وأنت قاعد بتتفرج علي الماتش تلاقي إبراهيم سعيد أو إبراهيم حسن دابب صباعه في عينك .

في مصر بس تلاقي السجن أحسن من الوظيفة :
• في السجن إذا كنت ملتزماً تتم مكافأتك بتقليل المدة اللي بتقضيها ، في الوظيفة إذا كنت
• ملتزماً يتم تكليفك بمزيد من العمل طبعا دون أي اجر إضافي
• الالتحاق بالسجن ممكن في أي وقت بأرادتك وبمجهودك أما الالتحاق بوظيفة محتاج لواسطة في الأساس
• في السجن يتم عزل الساديين ، وفي الوظيفة يتم ترقيتهم
• في لسجن لديك فرصة للتوبة في أي وقت إما في الوظيفة متقدرتش تتوب قبل سن الستين
• في السجن إذا وشيت بزميل لك تصبح منبوذا ، إما في الوظيفة لو وشيت بزميل لك تترقي وتبقي مدير عليهم كلهم
• في السجن تضرب الكبير يخاف الصغير ، وفي الوظيفة تضرب الصغير علشان تكسب الكبير

في البيت المصري بس تسمع حاجات ليها العجب:
• مش عايز اسمع صوت ، وفي هذه الجملة تدريباً مبكراً علي تقبل القمع والديكتاتورية الذين ستواجههما طول حياتك
• ماتردش عليا ودي نصيحة إذا التزمت بها سوف تكسب مديرك في العمل .
• النوم لحد الضهر بيجيب الفقر

في مصر الناس بتتبسط من حاجات عجيبة :
• لما ماكينة atm تسحب فلوس بالغط اكتر من اللي الواحد طالبها
• لما يلاقوا حد يخلص لهم شهادة المخالفات فى المرور.
• لما القناه الاولي تذيع فيلم جديد في السهرة .
• لما حد ميعرفهمش يقول في حقهم كلمة حلوة .
• لما يلاقوا عرض مجاني في أي حتة .
• لما يقضوا مهمتم بنجاح في أي مصلحة حكومية وبأقل قدر ممكن من حرق الدم .
• لما الحكومة تطلع جدعه وتعترف بغلطها في حاجة عملتاه ودي حاجة نادرة نسبة ظهورها زى نسبة ظهور العنقاء والغول والخل الوفي .
• لما يقعدوا في مكان مليان بنات .
• لما يخشوا جمعية ويقبضوا أول ناس .
• لما يشوفوا شعبان عبد الرحيم.

بس ده ما يمنعش إن إللي يجيب سيرتها غيرنا نطلع عينه