كل عام و انتم بخير 2013

للعام السابع على التوالى تستمر المدونة فى عرض الافكار و نشر الموضوعات الهامة و اللى جاى احلى ..

الاثنين، 29 أكتوبر 2012

مجرد سؤال جه على بالى النهارده الصبح



هى الطائرات الحربية الإسرائيلية إزاى خرجت من إسرائيل (اللى على حدودنا الشرقية) و ضربت مصنع السلاح فى السودان (اللى على حدودنا الجنوبية) .. بالظبط بالظبط بعد فضيحة خطاب مرسى الحميم لصديقه الوفى شيمون بيريز اللى تمنى فيه الرخاء للشعب الإسرائيلى .. يا ترى الطائرات الإسرائيلية سلكت أنهى طريق للوصول للسودان .. صلاح سالم ولا المحور ؟؟؟؟؟ واضح ان المجال الجوى المصرى اصبح بيعدى فيه أى توكتوك منغير رخص .. ويا ترى اللي حصل النهاردة الفجر من مناورات واختراق لحاجز الصوت من الطائرات له علاقة بهذا التساؤل من الجميع ؟!

و السؤال الأهم : أين مؤسسة الرئاسة و حزب الإنتهازية و الندامة و الاعلام الاخوانى من هذا الحدث ولا مايشبهوش غزة و حماس اللى جاية على مصر و شعبها و أمنها بخسارة ؟؟

للذكرى و الزمن لا أكثر .. فى أحد اللقاءات :
----------------------------------------------
سأل أحد الصحفيين الأجانب الرئيس السابق الطيار محمد حسنى مبارك||

ما قولك في أن الطائرات الإسرائيلية قادرة على الوصول إلى القاهرة وتدميرها في دقائق معدودة ؟!

فأجاب القائد محمد حسنى مبارك : هذا صحيح و لكنها عندما تعود لن تجد اسرائيل التي خرجت منها ..!!

ليست هناك تعليقات:

إرسال تعليق

ممكن تقدروا تشاركوا معانا و تقولوا لنا رأيكو فى موضوعاتنا