كل عام و انتم بخير 2013

للعام السابع على التوالى تستمر المدونة فى عرض الافكار و نشر الموضوعات الهامة و اللى جاى احلى ..

الأربعاء، 21 يناير 2009

المنتجات اللي هنقاطعها بإذن الله

هحاول أنا أكمل بعض المنتجات اللي لازم نقاطعها

ولازم نعرف ان كل منتج بنشتريه يعني رصاصة ف قلب طفل فلسطيني

يعني قنبلة بتنزل على الناس الغلابة المتحاصرين

يعني وقود دبابة و طيارة بتمشي بيه

يعني زيادة وإنتعاش الإقتصاد الإسرائيلي




عايز أبين حاجات وحقائق مهمة:


أول حاجة يا جماعة:

ناس كتير أوي بتشتري النسكافيه Nescafe وبتشربه وبتحبه أوي وبتعتمد عليه كل يوم وبقى حاجة كبيرة أوي وأساسية ف حياتها

و طبعا عارفين ان منتجين شركة نسكافيه دي هي شركة نستله Nestle والشركة دي أصلها سويسري

فعلاً صحيح أصلها سويسري

بس المفاجأة بقا

ان أكبر مصنع نستله ف العالم




في مستعمرة نتساريم بإسرائيل

طبعاً بدون تعليق

وهسيبلكم حرية الإختيار للناس اللي بتفوق على النسكافيه كل يوم

بقولهم حط صورة شهيد فلسطيني واحد قدام عينك لما تصحى وانتا هتفوق جداً




تاني حاجة عايز أقولها :

ناس كتير مننا بتستخدم الزبادي

و في حياتهم ده شئ منتظم

و دلوقتي الأسواق فيها منتجات زبادي كتيرة جداً

و في وسط دول منتجين اسمهم دانون Danone
والتاني إسمه أكتيفيا Activia

الإتنين دول واحد منهم مصنع في فرنسا بتمويل يهود

يعني طبعاً هما اللي بياخدو الأرباح



تالت حاجة :

في منتجات تانية بيبقا إسمها واضح أوي انها أمريكية

زي منتجات شركة كادبوري Cadbury

و بامبرز Pampers

و داساني Dasany

و أكيد كلنا عارفين المنتجات دي وغيرها كتير لكن الذاكرة لا تسعفني

لكن مادام المبدأ موجود يبقا إن شاء الله مفيش مشكلة


و طبعاً الأخ ساسو تقريباً ذكر معظم المنتجات اللي مفروض نقاطعها

بس الحقيقة المنتجات اللي قلتهم دول في ناس كتير بتستعملهم بانتظام

وفي نفس الوقت قلبهم بيتقطّع على مناظر الشهداء في فلسطين....

ومش عارفين يعملو ايه ليهم

هو ده سلاحنا

هو ده جهادنا

هي دي مقاومتنا

هي دي أخوّتنا كمسلمين و عرب

اليهود عايشين عالإقتصاد في الأصل

احنا ف إيدنا سلاح ومش واخدين بالنا منه

المقاطعة


و نضرب مثل بسيط أوي

واحد بيشرب بيبسي كل يوم

إذا قاطع البيبسي علشان اخواته ف فلسطين

هيخسّر اليهود قد ايه؟

نضرب ثمن البيبسي 1.25 جنيه × عدد أيام السنة 365 يوم

يطلعلنا حوالي 456 جنيه في السنة

يعني حوالي 83 دولار سنويا بيخسرها اليهود من شخص واحد

طبعاً رقم قليل لكن لو كلنا اتجهنا للمقاطعة الأرقام دي هتتضرب في ملايين






و في الآخر بقول انا معملتش الموضوع ده ولا فكرت فيه غير علشان اللي شفته في خلال ال23 يوم اللي اخواننا في غزة شافو فيهم الويل والمهانة

و ان شاء الله مقاطعتنا لمنتجات أعدائنا هتبقا في ميزان حسناتنا

آسف طولت عليكم

مستني ردودكم وأي منتج جديد حد يعرف انه بيفيد اليهود يقول عليه ع طول

وان إن شاء الله هحاول أتابع بأبديت مستمر






__________________

ليست هناك تعليقات:

إرسال تعليق

ممكن تقدروا تشاركوا معانا و تقولوا لنا رأيكو فى موضوعاتنا