بسم الله الرحمن الرحيم

دا  اول توبيك بالطريقة دى ..ز مولع نار دا طبعا علشان مفيش غاز طبيعى

وحبيت يكون حبة امثال لزيزه من بتاعة ام بدوى كده وهى قاعده مع ام دعبس على المصبه

وعيشوا

• دليل الحيران فى ركوب مترو حلوان .
• العقد النفيس فى انفجار ماسورة رمسيس .
• المعذبون والحيارى بالتليفون والحرارة .
• كل حمارة سابت ودوها بيت ابو نابت .
• فرح عديلة .. هد .. هد .. بلا نيلة .
• نومة وتمطيطة احسن من فرح طيطة .
• نموت ونحيا فى فرح يحيى.
• الفرحة والمعمعة والعروسة ضفدعة .
• جوزوا مشكاح لريمة ، والاتنين جذمة قديمة .
• خنفسة شافت بنتها على الحيط قالت دى لولية فى خيط .
• الفلفل بالوقية والجير بالقنطار .
• يا واخد القرد على ماله يروح المال ويفضل القرد على حاله .
• بدال خطوطك والحمرة ، امسحى عماصك يا سمرة .
• ايه تعمل الماشطة فى الوش العكر .
• نينى نينى لما يجى الاهبل يشترينى .
• تيتى تيتى زى ما روحتى زى ما جيتى .
• نهق الحمار طلع النهار .
• مكتوب على ورق الخيار من سهر الليل نام النهار .
• مكتوب على ورق الحلاوة ما محبة الا بع عداوة .
• ما نبنا من غربيتنا الا عوجة ضبتنا .
• ملوخية وعيش لين يا خرابك يا مزين .
• يا قلبى يا كتكت اسمع الكلام واسكت .
• يا قلبى يا كتاكت يا انت مليان وساكت .
• كنت مرتاحة جت لى حاحه .
• شنح وجنح وحبل غسيل … تلاتة مالهمش مثيل .
• رجعت ريمة لعادتها القديمة .
• كل من جانا يحب مرجانه .
• خذ من عبد الله واتكل على الله .
• من قلة عقلك يا زهرة خليتى ليكى فى البلد ضرة .
• بعد الجوع والقلة بقالك مرسيدس وفيلا .
• بعد العدس والفريك بقالها بوتيك .
• مالك مهموم دى الهمة قال ابنى فى الثانوية العامة .
• الكل خدام مطرح ما اروح مادام باشاور باللحلوح .

يا دمغهم العليا ....