بحبك يامصر برغم اللى بيقولوه عنك

بحبك يامصر مع انهم عاوزين يبعدونى عنك

بحبك يامصر وبحب كل اللى يحبك

بحب هرمك وبحب نيلك ، بحب قمرك وبسهر احكى ويا ليلك

بحب شعبك وبدوب فى ارضك ، بموت فى جوك اللى ملوش مثيل فى غيرك

بحب عقادك وزويلك ، ونفسى اتعلم منهم زى ما ف يوم اديتيهم من خيرك

بتمنى خيرك يرجع تانى ويبقى ليكى ، ينوله ابنك اهو اولى حتى ماينوله غيرك

نفسى اخويا يخاف عليكى ، يحس بيكى زى ما انا بموت عليكى

كل الدنيا قالت عليكى امها ، الا ابنك هو الوحيد اللى مش عاوز يحسها

لو يعرف ان الدنيا كلها عليكى بتحسده ، كان باس ايديكى وسجد لربه عليكى ويشكره

مع انه حبك عمره يوم ما كان غير ليه ،عمر قلبك مادق ولا خاف الا عليه

كل ده ولا مرة قل فى قلبى حبك ، كل ده ولا عمر قلبى هينسى حضنك

وارجع واقول بحبك يامصر حتى ولو قالوا ايه عنك

بحبك وهافضل احبك حتى لو ابعدونى عن ارضك

بحبك يامصر