كل عام و انتم بخير 2013

للعام السابع على التوالى تستمر المدونة فى عرض الافكار و نشر الموضوعات الهامة و اللى جاى احلى ..

الثلاثاء، 8 فبراير 2011

انجازات مبارك ....... كلمة الى مؤيدين الرئيس حسنى مبارك

- تزوير انتخابات .
- سرقة للبلد ومعاه حاشيته كلها .
- أعداد للتوريث .
- تشكيل دستور على مزاجه .
- استخدام العنف ضد الناس .
- التعذيب فـ السجون .
- صحابنا واخواتنا الـ قتلهم .
- استهتاره بالشعب بقرارات عقيمه .
- تشكيل وزارى جديد فيه معظم الفاسدين .
- تصدير غاز لأسرائيل وانت يا مصرى مش لاقيه .
- بطاله وجهل وتخلف .
- تعليم مبنى ع افكار عصر الجاهليه .
- اسعار كل حاجه فـ السوق بقت بالعبيط .
- حصتنا من المياه هتقل بعد فتره ومأخدش خطوه لأدام
غير انه عمل " بطولة حوض النيل " فـ الكوره !! .
- ضغوطه على الشعب وكأنه ملكنا .
- فساد ورشاوى وتزوير وكل حاجه شفناها فـ عهده
- سجن كل واحد محبوب فـ البلد عشان مش بيحب الصالحين
هو عايز فاسدين .
- اقتصادنا فـ النازل وعمرنا ماشفنا الجنيه ليه قيمه فـ عهده .
- كرامتنا ضايعه فـ كل مكان وهو ساكت
- خصص كل حاجه كل حاجه .

عايزك بقا تمسك الحاجات دى واحده واحده وتقولى انا كذاب فـ ايه

مبارك لو كان ليه حاجه عملها فـ حياته كويسه فهى خلاص
اتمحت بالـ عمله دا
ياخى هو فـ ريس يمسك البلد عشان يقتل شعبها
ويسرق هو حقوق الناس والبلد !!؟


بالله عليك يا احمد ابقى فكر كويس
ومتقليش اصل دا عمل :
- كبارى
- صاحب اول ضربة جويه
" اول ضربه ايه "
مبارك ولا حارب ولا اتنيل
- رجل السلام
" فين السلام دا ؟ احنا محتلين وربنا "
الاحتلال مش انك قاعد فـ البيت غصب عنك عشان برا فى
واحد واخد ارضك !!
لأ الاحتلال ليه معانى كتيره


ليست هناك تعليقات:

إرسال تعليق

ممكن تقدروا تشاركوا معانا و تقولوا لنا رأيكو فى موضوعاتنا