مخططين بس من نوع تاني

زمان في الافلام القديمه بتاعة انور وجدي وليلي مراد
كنا بنشوف الحراميه لابسين هدوم مخططه ابيض في اسود
مش عارف متنكرين ولا دا تمييز لهم ماعلينا
بس كويس التمييز دا انا اتمني ان كل الحراميه في البلد
يلبسو ابيض في اسود دا حتي هايبقي لبس مميز جدا
ومنه هانعرف الحرامي من الشريف بدال اللخبطه الي احنا فيها
والتمييز دا مش عشان لاسمح الله نقبض عليهم
لا خالص دا بس عشان ناخد بالنا بس
تخيلو بقي لو الموضوع دا حصل كانت حياتنا بقت ازاي
لو من اكبر حرامي لاصغر حرامي عمل دا يا سلام
وانت رايح شغلك تبص تلاقي نصف الناس
الي في الشارع لابسين مخطط تركب الاتوبيس
مخطط وتروح تخلص مصلحتك تلاقي
الموظفين المخططين كتير بس علي فكره
دا في صالحك عشان لو عايز تخلص
مصلحتك بسرعه تروح للمخطط ولو عايز الروتين
ياخد مجراه الطبيعي روح للعادي اقصد
الموظف ويا سلام لما تدخل عند مديرك تلاقي
معظم زمايلك مخططين قوم تتضايق وتفتح
الباب علي مديرك وانت زعلان قوي تلاقيه الاخر مخطط
لا وكمان يحاول انه يعطيك كام تي شيرت مخطط هديه
ال وانت ترفض ال علي اساس انك صاحب مباديء
يا تري في كام مخطط في البلد اكيد كتيييير
بس المشكله مش في المخططين دول
العيب في المخططين الابييض في اسود الي سايبينهم
يخططوا لهم وينهبوهم لغاية و مابقينا
مخططين بس من نوع تاني ,