طب هو فين الخير ؟؟؟؟

أيه هيا الدنيا

الدنيا عبارة عن ...

دنيا زايله ... طيب ليه كده.. بنعمل ليه كده..

أذا كانت زايله ليه الناس بتطحن في بعضها كده..

ليه مافيش حد راضي .. ليه ماحدش عاجبه حالو..

حالة غرور ولا ضعف.. توهان ولا جحود..

ليه كل الناس عصبيه ..

ليه ماحدش مقدر النعمه اللي في أيده..

أللي ماعهوش عايز واللي معاه برضه عايز

اللي في أيده نعمه موش حاسس بيها واللي موش في أيده مستسلم ليأس يخلي الأنسان موش عارف هو أتخلق ليه..

هنقول طبع أنسان وهو الأنسان ده أيه .. معندوش عقل يفكر بيه ويعرف أزاي ينتهز أحسن الظروف ويتصرف بالطريقه المناسبة في الوقت المناسب في المكان المناسب وبالتالي يعمل حاجه تنفع ..

تنفع نفسه تنفع بلده تنفع غيره..

ليه كله بيفكر في أللي مع غيره وناسي أللي معاه لحد مايضيع وبكده لا يطول اللي معاه ولا اللي مع غيره..

ليه مافيش قناعه ورضا .. مافيش صبر في الشده . صبر في المحنه . صبر في الزحمه والدوشه اللي بقت زي الهوا في حياتنا . ليه مافيش حتي صبر في تربيتنا لأولادنا ..

راحت فين الروح الطيبة اللي كانت موجوده بين الناس في زمن كانت فيه الطيبة سمه في بني الأنسان ..

ليه كل واحد بيقول يالا نفسي . قافل علي بابي كافي خيري شري مايهمنيش غير مصلحتي وبس..

ليه الناس أصبحت جامده مافيش مشاعر مافيش حتي دمعة تمسح الجليد من علي وجوه الناس ..

فين الأخلاق أللي كانت زينة البنات ورجوله الشباب.. أتحولت لسجاير ومكياج .. ولا خلاص أتحرقت ومعدش فاضل غير رماد..

وهينفع بأيه الرماد اللي بنفخه واحده بيطير في الهوا ..

هل ده قلة دين وكترت دنيا .. ولا ده بداية لنهاية ..

نهاية العالم حتي يأتي يوم الحساب ..

وبتقولو الدنيا بخير

طب هو فين الخير ...............

منقوــــــــــل