يـا بـخـتـك عـنـدك اب و ام

زقطط .. اتنطط .. افــــــــرح ***** ملهاش االدنيا حساب

طول ما ابوك وامك عايشين ياعم ***** راح تبقى سعيد وشباب

ولاعمرك ح تشيل هم ***** ولاتعرف معنى عذاب

يا بختك عندك اب وام ***** قلبهم ملهوش ابواب

طول ما ابوك وامك عايشين ياعم ***** حواليك الناس احباب

حبهم فى عروق الدم ***** ورضاهم فى كل كتاب

يا صاحبى يا بختك بابوك وامك ***** ف حجرهم مدد ونام

قلبهم دنيا تضمك ***** لما تقسى الايام

من روحهم يطعموا فمك ***** ويهدهدوا فيك يا سلام

وبترمى فى قلبهم همك ***** لعيون تسهر ما تنام

لمستهم ترو دمك ***** همستهم احلى كلام

يا بختكم بابوك وامك ***** فى قلبهم مدد ونام

حضنهم دافى بيضمك ***** لما تقسى الايام

ابويا وامى معادلة تحير ***** فيها قسمة وجمع وطرح

كبير ولا كنت صغير ***** بيخلوا حياتى فرح

شمعة فى دنيتى بتنور ***** وبلمسة تداوى الجرح

ابويا وامى معادلة تحير ***** وبيعجز عنها الشرح

طول ما ابوك وامك عايشين يا عم***** راح تبقى سعيد وشباب

يا بختك عندك اب وام ***** قلبهم مالهوش ابواب

مفتوح بيلم يضم ***** افراح وهموم وعذاب