مين اللي سرق مصر !!!

مين اللي هزم النصر؟

مين اللي سرقني ؟
مين اللي سرقك يا مصر ؟
وباعك وسرّاقني ؟
مين اللي حبك قدي ؟
علشان يكون أحسن مني
مين اللي ودك ودي ؟
قول يا زماني وفهمني
مين اللي دمعه نزف
ومين فضل يضحك ؟
مين اللي فيكي نسف ؟
يا هم بكاني وأضحك
مين اللي سرق حلمي وحلم أبني ؟
مين اللي حرق عمري وزاد همي؟
خلانا نفترق واتغرب يا أمي ؟
وأكتب على الورق بحروف من دمي
أتكلمي ... أصرخي...
نادي عليا بحده
أفرحي.... أرقصي ...
وأحضني قلبي بشدة
عمال ألملم في جرحك
وغيري بيدبحك
يا غالية أنا ليكي فرحك
قومي من مطرحك
ملامحي تشبه ملامحك
ومشيي من خطاويكي
وأبويا زارع في قمحك
بعمري ياما أفديكي
ليه ...؟ ليه دايما حزينة وسارحة
وهمومك غلباكي
ليه فيكي بتموت الفرحة
وجراحك سبأكي
ألبسي يا أمايا الطرحة
بولادك ما أحلاكي
وعلى شفايفك أرسمي فرحة
من أرضك لسماكي