بعيدا عن لغة المثقفين قليلا .. دعونا نهبط لمستوي ( إنسان تافه ) نغوص في نفسيته المموهة وعقليته المختلطة وثوابته المعدومة ونجري معه هذا الحوار لكن ( رجاءا ان تتحملوا تفاهته ) :
وفي البداية ناخد تعريف بالضيف :
- الاسم : تافه أتفه أبو التفاهة
- العمر عايش بعقل تافه بمنتهي الشراهة
- الحالة الاجتماعية : مريض ومدخلش فتره نقاهة
- المؤهل : فاشل بدرجة فاشل جدا
- العنوان : متلقح في كل مكان عالقهاوي والشوارع والنواصي والمنتديات
- المهنة " عــــاطــــل : وحاليا شغال " يؤذي في خلق الله "
-
• قولي يا تافه .. أنت ليه تافه ؟
• يعني إيه تفاهة لا مؤاخذه ؟
• ياربي علي التفاهة مش عارف يعني إيه تافه ؟
• لا هي جت علي دي اللي مش عارفها وهتعمل مشكله ؟
• عندك حق يا تافه .. هوضحهالك انت ليه غاوي التفاهات
• برضة مش فاهم يعني ايه تفاهات ؟
• افهمها له ازاي ده ..... يعني ليه دايما بتعمل الحاجات اللي الناس بتقول عنها تفاهات ليه ؟
• زي ايه مثلا ؟
• يعني مثلا تفضل تهلل وتقول التدخين وحش والتدخين بيسبب هشاشه في العظام و(سكسه في النابوليا ) وانت اول واحد بتدخن لدرجه انت قلت لي مره انك بتشرب سجاير علي الريق ؟
• ايوه يااخي كده هي دي اللغه اللي ممكن افهمك بيها بدل لغه ( المسئفين ) – قصده المثقفين – بص يا سيدي .. انا بقولك انا بدخن عشان صحابي كلهم بيدخنوا ؟
• تفاهة تفاهة يعني ... وليه بتشرب مخدرات يا تافه ؟
• ايه الذكاء ده ! .... عشان صحابي بيشربوا ولازم اكون قدهم ...!
• يعني بتشرب سجاير ومخدرات عشان بس تثبت لأصحابك انك ( راجل زيهم ) ؟ .
• اه ..
• طيب ولو الدكتور قالك لو شربت سجاير ومخدرات هتموت هتبطل ؟
• في الحالة دي ممكن ابطل
• بس بالشكل ده هتكون فقدت ( الرجولة اللي انت بتقول اكتسبتها من الحاجات دي ) وهتبقي مش راجل يا تافه ؟
• اه صحيح !!!! طيب والحل ايه يا عم الإور ؟
• خليك علي طبيعتك يا تافه .... !
• بص يا تافه .
• ابص فين ؟
• يخرب بيت الغباء ... بص يعني اسمعني ... انت بقي ليه مش ثابت علي حاجة يا تافه شويه يمين شويه شمال شويه اه شويه لا ليه ؟
• بص ياريس التغيير سنة الحياة .. وبيني وبينك الواحد لو فضل علي شكل واحد هيتنخنق فمثلا لو الناس بتقول عالحكومه حلوه انا معاهم لقيت حد بيقول عنها وحشه وشدني بقول وحشه وادينا بنقلب عيشنا !
• يعني انت كده او كده شغال ؟
• والله اكل عيش بقي .. وانا ماشي مع الكسبان .. يعني لو الحكومه كسبانه اديني بهلل للحكومه واحيان كده بحس اني ( منفسن من الحكومه ) فبطبق وشي في وشها واكون مع المعارضه وبكده اكون ( شربت حجرين بشيشه ) – قصده ضربت عصفورين بحجر – تمام كدة ؟
• ازاي يعني يا تافه كسبت حاجاتين مع بعض ؟
• يعني لما الاقي الحكومة كسبانه اهلل معاها ولو المعارضه الكسبانه اديني وراهم ولو ( حــــــــد ) عايزني ابيع صوتي ابيع احنا عيله بنبيع كل حاجه ياعم
• تقصد ايه ب( حــــد ) اللي حطيتها بين قوسين يا تافه ؟
• يعني شغلانه فيها قرشين .. حد مريش او حد واصل .. او مــوزه حلوه تفضل ( تناغشني واناغشها ) ادينا في ديلهم ماشيين ؟
• اه يعني انت بتعترف انك تبعي فكر وانهزامي تفكير وصاحب عقل مقولب ؟
• يعني ايه الكلام ده لا مؤاخذه ؟
• يعني انت كده بتبيع نفسك للي معاه اي مقابل يا تافه سواء المقابل ( فلوس او خدمه لحد واصل او بنت من اياهم اللي بتقول عنها موزه ) صح ولا لا ؟
• يا سيدي .. كبر ... الدنيا عايزه كده
• عايزة كده ازاي ياتافه ؟
• يعني لو فضلت علي حالك مش هتاكل عيش .. وعلي رأي المثل " عيش وعيشنا "
• اعيش واعيشكوا ... تفاهه تفاهه يعني
• ..... يبتسم التافه في غباء فج
• طيب يا تافه ما فكرتش تغير نفسك للأحسن ؟
• فكرت بس العمليه ( حصالتها مخرومه ) لا مؤاخذه ؟
• يعني ايه العملية حصالتها مخرومة يا تافه
• يعني ما جابتش همها قلت اعيش بقي مع اللي عايشين وحط راسك بين الروس وادعي عليها بالقطع
• حط راسك بين الروس وادعي عليها بالقطع – تفاهة علي اصولها يعني ... !
• وايه علاماتك المميزة يا تافه ؟ الاشياء اللي مرتبطه بشخصيتك ده لو كان ليك شخصيه يعني ؟
• بص يا مولانا .. البس لبس غريب .. اشرب سجاير ومخدرات .. ما اصومش رمضان .. اتفرج علي الفديو كليبات العبيطة .. اسمع اغاني هابطة .. اسهر للصبح وانام بالنهار كده يعني
• طيب وازاي بتستغل تفاهتك دي يا تافه ؟
• بص هأقولك .. الناس كلها تكون بتقول ايوه الحاجة دي صح اطلع انا اقول لا وافضل ارغي ارغي ارغي ولو النتيجة دي ما جبتش نتيجة ااقلب الايه .. الناس كلهم تقول الحاجة دي غلط اقول انا لا الحاجة دي صح وافضل ارغي ارغي ارغي واهي ماشيه ..
• ممممم وايه تاني يا تافه ؟
• ممكن بقي ايه اشوف اي حد من المحترمين وافضل السن عليه واشتم عليه وبالتالي اسمي هيتعرفي وصيتي هيمشي في السوق
• طيب والمحترمين اللي انت بتقول عليهم كده بيردوا عليك يا تافه
• للأسف لا ... هما ليه مش بيردوا عليا لا مؤاخذه
• يردوا عليك ازاي اذا كنت انت انسان تافه .. ده مجرد انه يبص علي كلامك ويبتسم وما يردش ده اكبر اهانه ليك يا تافه
• هنعمل ايه بس يا افندينا .. ظروفنا اوحش من بترول اسيوط لو لاعب البرازيل
• والله يا تافه انت حرام تعيش
• انت متجوز يا تافه .؟
• اه ناوي ان شاء الله اشوف لي وحده ( نص عمر كده ) ونعيش مع بعض
• نص عمر .. انت هتشتري عجلة ... تفاهه تفاهه!!
• لا .. انا اقصد بنت ( متودكة ) وفاهماني ..تعمل زي ما باعمل تهلل معايا لو هللنا وتصوت لو صوتنا
• اه يعني تكون فاهمه تفاهتك يعني وتساعدك وكده
• تمااااام
• علي رأي الشاعر " ( ومن يجعل الغراب له دليل .. يأخذه الي جيف الكلاب )
• يعني ايه الكلام ( الفصحي ده ) اصلي مش باعرف اتكلم فصحي
• لا ما تشيليش يا تافه ...
• عارف ياتافه لو البلد اتملت تفاهات زيك وزي اللي انت بتدور عليها عشان تتجوزها ان بلدنا دي هتكون في الحضيض وهتتغرس في الطيبن
• ازاي يعني هو انا اللي هبوظ البلد
• لا تفكيرك الانهزامي ده وتبعيه الفكره وعدم الرغبه في النقد والتغيير واسلوبك النظامي البائد اللي انت عايش بيه ده ... دور علي نفسك يا تافه .. دور علي نفسك لأن نفسك تستاهل انك تدور عليها .. ربنا بيقول ولقد كرمنا بني ادم والتكريم مش معناه انك تفضل علي طول مسطول وترجع بيتكم كل يوم الفجر وتفضل (مخمود) ونايم لحد الضهر .. اتكسف علي دمك وحاول تعمل حاجه صح ليك ولأهلك اللي انت مش معبرهم ولبلدك اللي عايش فيها وكلت من خيرها بدل ما انت عامل زي علامه الاستفهام في الصفحة الفاضيه مالهاش اي معني
• .... التافه يهرش في راسه ويبحلق بعينيه ويرفع ( خرطوم الشيشه علي فمه ويتمص به نفسا عميقا كأنه يكتم شيئا ما في صدره )
• ولا نيه للتغير ... وسيقي التافه علي ماهو عليه ... وتستمر الماساة
التفاهات دي كترت يا جماعة .. تفاهات في الشارع .. في الجامعة .. في التلفزيون .. في الاغاني .. في المسلسلات .. علي القهاوي ..في الانترنت في المنتديات وفي الشات وفي الفيروسات كمان ! كترت بشكل كبير ولازم نفوق ونفوق التفاهات دي لأن هزيمة الحرب مش نهاية العالم .. لكن هزيمة العزيمة .. هي النهاية بكل وضوح ... فالانسان المهزوم في عزيمته لا يمكن ان يرفع رأسه ابدا احنا اتهزمنا في حرب النكسه هزيمه عسكريه مش هزيمه عزيمة وقدرنا نفوق من وكستنا دي ورجعنا بشرفنا في حرب اكتوبر .. لكن تفتكر في حالة الانهزام الداخلي وعدم القدره علي التفكير ولا عدم الرغبة في التغيير للأفضل ممكن نشوف خير ؟
ايدي في ايدك نغير اوضاع الشباب للأفضل ( بنصيحة / بكلمة حق / بابتسامة / بتعليق بسيط / بتعليق قاسي لو لزم الامر )
ايدي في ايدك نفوق التفاهات دي من نومها لأنهم كتروا جدا فلازم يكون لينا وقفه
ايدي في ايدك ياابن بلدي ... بلدنا تستاهل اننا نصحي ولادها
ولا انتوا ايه رايكم
اجري الحوار : أبو الأداهيم
وفي البداية ناخد تعريف بالضيف :
- الاسم : تافه أتفه أبو التفاهة
- العمر عايش بعقل تافه بمنتهي الشراهة
- الحالة الاجتماعية : مريض ومدخلش فتره نقاهة
- المؤهل : فاشل بدرجة فاشل جدا
- العنوان : متلقح في كل مكان عالقهاوي والشوارع والنواصي والمنتديات
- المهنة " عــــاطــــل : وحاليا شغال " يؤذي في خلق الله "
-
• قولي يا تافه .. أنت ليه تافه ؟
• يعني إيه تفاهة لا مؤاخذه ؟
• ياربي علي التفاهة مش عارف يعني إيه تافه ؟
• لا هي جت علي دي اللي مش عارفها وهتعمل مشكله ؟
• عندك حق يا تافه .. هوضحهالك انت ليه غاوي التفاهات
• برضة مش فاهم يعني ايه تفاهات ؟
• افهمها له ازاي ده ..... يعني ليه دايما بتعمل الحاجات اللي الناس بتقول عنها تفاهات ليه ؟
• زي ايه مثلا ؟
• يعني مثلا تفضل تهلل وتقول التدخين وحش والتدخين بيسبب هشاشه في العظام و(سكسه في النابوليا ) وانت اول واحد بتدخن لدرجه انت قلت لي مره انك بتشرب سجاير علي الريق ؟
• ايوه يااخي كده هي دي اللغه اللي ممكن افهمك بيها بدل لغه ( المسئفين ) – قصده المثقفين – بص يا سيدي .. انا بقولك انا بدخن عشان صحابي كلهم بيدخنوا ؟
• تفاهة تفاهة يعني ... وليه بتشرب مخدرات يا تافه ؟
• ايه الذكاء ده ! .... عشان صحابي بيشربوا ولازم اكون قدهم ...!
• يعني بتشرب سجاير ومخدرات عشان بس تثبت لأصحابك انك ( راجل زيهم ) ؟ .
• اه ..
• طيب ولو الدكتور قالك لو شربت سجاير ومخدرات هتموت هتبطل ؟
• في الحالة دي ممكن ابطل
• بس بالشكل ده هتكون فقدت ( الرجولة اللي انت بتقول اكتسبتها من الحاجات دي ) وهتبقي مش راجل يا تافه ؟
• اه صحيح !!!! طيب والحل ايه يا عم الإور ؟
• خليك علي طبيعتك يا تافه .... !
• بص يا تافه .
• ابص فين ؟
• يخرب بيت الغباء ... بص يعني اسمعني ... انت بقي ليه مش ثابت علي حاجة يا تافه شويه يمين شويه شمال شويه اه شويه لا ليه ؟
• بص ياريس التغيير سنة الحياة .. وبيني وبينك الواحد لو فضل علي شكل واحد هيتنخنق فمثلا لو الناس بتقول عالحكومه حلوه انا معاهم لقيت حد بيقول عنها وحشه وشدني بقول وحشه وادينا بنقلب عيشنا !
• يعني انت كده او كده شغال ؟
• والله اكل عيش بقي .. وانا ماشي مع الكسبان .. يعني لو الحكومه كسبانه اديني بهلل للحكومه واحيان كده بحس اني ( منفسن من الحكومه ) فبطبق وشي في وشها واكون مع المعارضه وبكده اكون ( شربت حجرين بشيشه ) – قصده ضربت عصفورين بحجر – تمام كدة ؟
• ازاي يعني يا تافه كسبت حاجاتين مع بعض ؟
• يعني لما الاقي الحكومة كسبانه اهلل معاها ولو المعارضه الكسبانه اديني وراهم ولو ( حــــــــد ) عايزني ابيع صوتي ابيع احنا عيله بنبيع كل حاجه ياعم
• تقصد ايه ب( حــــد ) اللي حطيتها بين قوسين يا تافه ؟
• يعني شغلانه فيها قرشين .. حد مريش او حد واصل .. او مــوزه حلوه تفضل ( تناغشني واناغشها ) ادينا في ديلهم ماشيين ؟
• اه يعني انت بتعترف انك تبعي فكر وانهزامي تفكير وصاحب عقل مقولب ؟
• يعني ايه الكلام ده لا مؤاخذه ؟
• يعني انت كده بتبيع نفسك للي معاه اي مقابل يا تافه سواء المقابل ( فلوس او خدمه لحد واصل او بنت من اياهم اللي بتقول عنها موزه ) صح ولا لا ؟
• يا سيدي .. كبر ... الدنيا عايزه كده
• عايزة كده ازاي ياتافه ؟
• يعني لو فضلت علي حالك مش هتاكل عيش .. وعلي رأي المثل " عيش وعيشنا "
• اعيش واعيشكوا ... تفاهه تفاهه يعني
• ..... يبتسم التافه في غباء فج
• طيب يا تافه ما فكرتش تغير نفسك للأحسن ؟
• فكرت بس العمليه ( حصالتها مخرومه ) لا مؤاخذه ؟
• يعني ايه العملية حصالتها مخرومة يا تافه
• يعني ما جابتش همها قلت اعيش بقي مع اللي عايشين وحط راسك بين الروس وادعي عليها بالقطع
• حط راسك بين الروس وادعي عليها بالقطع – تفاهة علي اصولها يعني ... !
• وايه علاماتك المميزة يا تافه ؟ الاشياء اللي مرتبطه بشخصيتك ده لو كان ليك شخصيه يعني ؟
• بص يا مولانا .. البس لبس غريب .. اشرب سجاير ومخدرات .. ما اصومش رمضان .. اتفرج علي الفديو كليبات العبيطة .. اسمع اغاني هابطة .. اسهر للصبح وانام بالنهار كده يعني
• طيب وازاي بتستغل تفاهتك دي يا تافه ؟
• بص هأقولك .. الناس كلها تكون بتقول ايوه الحاجة دي صح اطلع انا اقول لا وافضل ارغي ارغي ارغي ولو النتيجة دي ما جبتش نتيجة ااقلب الايه .. الناس كلهم تقول الحاجة دي غلط اقول انا لا الحاجة دي صح وافضل ارغي ارغي ارغي واهي ماشيه ..
• ممممم وايه تاني يا تافه ؟
• ممكن بقي ايه اشوف اي حد من المحترمين وافضل السن عليه واشتم عليه وبالتالي اسمي هيتعرفي وصيتي هيمشي في السوق
• طيب والمحترمين اللي انت بتقول عليهم كده بيردوا عليك يا تافه
• للأسف لا ... هما ليه مش بيردوا عليا لا مؤاخذه
• يردوا عليك ازاي اذا كنت انت انسان تافه .. ده مجرد انه يبص علي كلامك ويبتسم وما يردش ده اكبر اهانه ليك يا تافه
• هنعمل ايه بس يا افندينا .. ظروفنا اوحش من بترول اسيوط لو لاعب البرازيل
• والله يا تافه انت حرام تعيش
• انت متجوز يا تافه .؟
• اه ناوي ان شاء الله اشوف لي وحده ( نص عمر كده ) ونعيش مع بعض
• نص عمر .. انت هتشتري عجلة ... تفاهه تفاهه!!
• لا .. انا اقصد بنت ( متودكة ) وفاهماني ..تعمل زي ما باعمل تهلل معايا لو هللنا وتصوت لو صوتنا
• اه يعني تكون فاهمه تفاهتك يعني وتساعدك وكده
• تمااااام
• علي رأي الشاعر " ( ومن يجعل الغراب له دليل .. يأخذه الي جيف الكلاب )
• يعني ايه الكلام ( الفصحي ده ) اصلي مش باعرف اتكلم فصحي
• لا ما تشيليش يا تافه ...
• عارف ياتافه لو البلد اتملت تفاهات زيك وزي اللي انت بتدور عليها عشان تتجوزها ان بلدنا دي هتكون في الحضيض وهتتغرس في الطيبن
• ازاي يعني هو انا اللي هبوظ البلد
• لا تفكيرك الانهزامي ده وتبعيه الفكره وعدم الرغبه في النقد والتغيير واسلوبك النظامي البائد اللي انت عايش بيه ده ... دور علي نفسك يا تافه .. دور علي نفسك لأن نفسك تستاهل انك تدور عليها .. ربنا بيقول ولقد كرمنا بني ادم والتكريم مش معناه انك تفضل علي طول مسطول وترجع بيتكم كل يوم الفجر وتفضل (مخمود) ونايم لحد الضهر .. اتكسف علي دمك وحاول تعمل حاجه صح ليك ولأهلك اللي انت مش معبرهم ولبلدك اللي عايش فيها وكلت من خيرها بدل ما انت عامل زي علامه الاستفهام في الصفحة الفاضيه مالهاش اي معني
• .... التافه يهرش في راسه ويبحلق بعينيه ويرفع ( خرطوم الشيشه علي فمه ويتمص به نفسا عميقا كأنه يكتم شيئا ما في صدره )
• ولا نيه للتغير ... وسيقي التافه علي ماهو عليه ... وتستمر الماساة
التفاهات دي كترت يا جماعة .. تفاهات في الشارع .. في الجامعة .. في التلفزيون .. في الاغاني .. في المسلسلات .. علي القهاوي ..في الانترنت في المنتديات وفي الشات وفي الفيروسات كمان ! كترت بشكل كبير ولازم نفوق ونفوق التفاهات دي لأن هزيمة الحرب مش نهاية العالم .. لكن هزيمة العزيمة .. هي النهاية بكل وضوح ... فالانسان المهزوم في عزيمته لا يمكن ان يرفع رأسه ابدا احنا اتهزمنا في حرب النكسه هزيمه عسكريه مش هزيمه عزيمة وقدرنا نفوق من وكستنا دي ورجعنا بشرفنا في حرب اكتوبر .. لكن تفتكر في حالة الانهزام الداخلي وعدم القدره علي التفكير ولا عدم الرغبة في التغيير للأفضل ممكن نشوف خير ؟
ايدي في ايدك نغير اوضاع الشباب للأفضل ( بنصيحة / بكلمة حق / بابتسامة / بتعليق بسيط / بتعليق قاسي لو لزم الامر )
ايدي في ايدك نفوق التفاهات دي من نومها لأنهم كتروا جدا فلازم يكون لينا وقفه
ايدي في ايدك ياابن بلدي ... بلدنا تستاهل اننا نصحي ولادها
ولا انتوا ايه رايكم
اجري الحوار : أبو الأداهيم
ليست هناك تعليقات:
إرسال تعليق
ممكن تقدروا تشاركوا معانا و تقولوا لنا رأيكو فى موضوعاتنا