كل واحد اما بتقابله اي مشكله وخصوصا ماديه بيقول ايه
(مشيها هتمشي)يعني امايجي اخر الشهر بتبقي العمليه مأشفره علي الاخر فالواحد بيضطر يمشيها ولو بالزق تاتا....تاتا المهم انها بتمشي وخلاص لكن في ناس بقي مش بتمشيها دي بتجريها بطريقتهم الي هي طريقه المصلحه الشخصيه الي فوق مصلحه البلد المهم انها تمشي معاهم بالسريع ولو حتي داسو علي كل الناس مش مهم ما الناس كتير والحمدلله الي يموت هييجي غيره
واديني بقول الحمد لله وعلشان ما اكرهش الدنيا كلها بقول مشيها ياواد هتمشي
خد بقي مني شويه نصايح علشان تسهل حياتك
(مشيها هتمشي)يعني امايجي اخر الشهر بتبقي العمليه مأشفره علي الاخر فالواحد بيضطر يمشيها ولو بالزق تاتا....تاتا المهم انها بتمشي وخلاص لكن في ناس بقي مش بتمشيها دي بتجريها بطريقتهم الي هي طريقه المصلحه الشخصيه الي فوق مصلحه البلد المهم انها تمشي معاهم بالسريع ولو حتي داسو علي كل الناس مش مهم ما الناس كتير والحمدلله الي يموت هييجي غيره
واديني بقول الحمد لله وعلشان ما اكرهش الدنيا كلها بقول مشيها ياواد هتمشي
خد بقي مني شويه نصايح علشان تسهل حياتك
- الاولي:خليك اعمي يعني ماتشوفش الا بيتك وماتبصش حتي من الشباك علشان ماتجيش رصاصه طايشه في عينك
- التانيه:خليك اطرش ماتسمعش كلام القنوات الفضائيه..علشان هي دايما بتقول الحقيقه
- التالته:خاليك اخرس ما تتكلمش مع حد في السياسه ولا احوال البلد ولا اخبار المسلمين ولا عن زياره بوش ولا رغيف العيش ولا حديد عز ولا الغاز الي بلاش لاسرائيل لاحسن يتعمل فيك زي احمد ماهر وغيره
- الرابعه:ااوعي رجليك تمشي في مظاهره سلميه ولا مظاهره ولا يحزنون ياعم او تروح تنتخب الا الي عايزاه الحكومه..ومبروك عليك الميت جنيه ياعم
- الخامسه :اوعي تعمل بنصيحه من دول لو كنت بتحب مصر.
ليست هناك تعليقات:
إرسال تعليق
ممكن تقدروا تشاركوا معانا و تقولوا لنا رأيكو فى موضوعاتنا