كل عام و انتم بخير 2013

للعام السابع على التوالى تستمر المدونة فى عرض الافكار و نشر الموضوعات الهامة و اللى جاى احلى ..

الأحد، 21 ديسمبر 2008

قالى الوداع قولت اشطة...........

ولا دمعه نزلت
ولا قلب انجرح
ولا وساده خاليه زي بتاعه عبد الحليم تمزقت من كتر التفكير في الحبيب الضائع
اصبحنا في عالم جاف خالي من المشاعر الحقيقيه
عالم اختفت منه الرومانسيه والصدق والوفاء
ناقش نفسك كم مره وقعت في قصه حب
وماذا تركت في نفسك من اثر
هل علمت معك
هل تركتك مهموم ومحطم
الاجابه في الاغلبيه لا
الولد متفرقش معاه فلانه او علاته
والبنت اهو اي شاب لطيف وخلاص
هل نحن في عصر الجفاف في كل شيء حتي المشاعر
يحب الولد الفتاه ويمنيها سنين بالعش الجميل وعند ما يكون قادر علي الزواج يزهب لوالدته تخطب له مجهوله لا يعلمها مع ان المجهوله اي بيفتكرها معرفتش غيره كانت بتحب واحد بردو وسابها لنفس السبب!!!!!! طيب مانت كان معاك الي ملكك والي مكنتش بتحب غيرك!!!!!
بس تعمل ايه في عصر اختفي منه المشاعر الصادقه!!!!




لنلقي نظره علي حب دام اكتر من سنه




احمد:دودو سوري انا مش هاقدر اكمل معاكي
انا مضطر اسافر
دودو::طيب استناك
احمد:لا يا بيبي ممكن مش ارجع
دودو:طيب وحبنا
احمد:حب ايه بس يا بنتي هو انا لاقي اكل علشان احب واتجوز
دودو:يعني كنت بتهظر ومكنش حب!!!
احمد:لا طبعا كنت معجب ومازلت بس هاعمل ايه
دودو:اوك ربنا يوفقك

<<<<<<<وكل واحد مشي في طريق>>>>>>>

لا قلب اتحطم ولا عيون دمعت
احمد هيحب تاني وتالت
ودودو هتحب او تستني العريس




ونموذج تاني




تامر:نانسي انا مضطر اسيبك
نانسي :ليه يا تيتو
تامر:ماما جابتلي عروسه ولازم اتجوزها
نانسي:طب وانا
تامر:معلش يا نانو احنا بردو هنفضل صحاب
نانسي:انت شايف كده
تامر:سوري يا بيبي
نانسي:عادي ولا يهمك (اي دونت كير )

ونموذج تالت
نونا: انا جايلي عريس وخطوبتي الخميس الجاي
كيمو:ليه انتي مش بتحبيني
نونا:ماهو العريس كامل من مجاميعه ومش هعرف ارفضه
كيمو:خلاص اوك مبروك
نونا:يعني انت مش زعلان
كيمو:هزعل ليه يابنتي ده نصيب





ولا عين بكت ولا قلب انجرح




ونماذج كتير

وانا متاكدة انكم تعرفوا كتير عنها

وممكن تكونوا ابطالها


اهلا بزمن الجفاف والفتور والعلاقات البارده الزائفه وقصص حب التيك اواي وحب

اليوم الواحد وحب الشواطيء والنت وغيره!!!




انا لسه مقلتش رئيى ومستنيه اعرف رايكم

فى امان الله

م
ن
ق
و
ل


ليست هناك تعليقات:

إرسال تعليق

ممكن تقدروا تشاركوا معانا و تقولوا لنا رأيكو فى موضوعاتنا